ഋഗ്വേദവ്യാഖ്യാനം
(നാമധിഷ്ഠിത പ്രതിപാദനം)
ഈ പ്രബന്ധം എഴുതിയ (ഭാരദ്വാജ) പ്രകൃതിയുടെ അനന്തവും ഭിന്നവും സദാ മാറികൊണ്ടിരിക്കുന്നതുമായ രൂപങ്ങളിൽ ഒന്നു മാത്രമാണ്. പ്രപഞ്ചനിയന്താവ് ആജ്ഞാപിക്കുന്നു. എഴുതുന്നവന്റെ ശരീരവും മനസ്സും അനുസരിക്കുന്നു.
| • | വേദാചാര്യകുടുംബക്കാരായ മാതാപിതാക്കളുടെ പുത്രൻ. |
|---|---|
| • | പത്തു വയസ്സുവരെ പാരമ്പര്യ ഗുരുകുല ശിക്ഷണത്തിൽ വളർന്നു. |
| • | പിന്നീട് ഭാരതത്തിനകത്തും പുറത്തുമുള്ള വിശ്രുത വിദ്യാഭ്യാസ സ്ഥാപനങ്ങളിൽ പഠിച്ചു. |
| • | സയൻസിലും എഞ്ചിനീയറിങ്ങിലും ബിരുദം എടുത്തു. ബിരുദതലത്തിലെ എഞ്ചിനീയറിങ്ങിൽനിന്നു ഭിന്നമായ എഞ്ചിനീയറിങ്ങിന്റെതന്നെ രണ്ടു വ്യത്യസ്ത ശാഖകളിൽ ബിരുദാനന്തരബിരുദവും, ഈ മൂന്നിൽനിന്നും മാറി വേറൊരു ശാഖയിൽ ഡോക്ടറേറ്റും എടുത്തു. |
| • | ഇന്ത്യൻ പ്രതിരോധ മന്ത്രാലയത്തിൻ കീഴിലെ വ്യവസായസ്ഥാപനത്തിൽ ഏതാനും കൊല്ലം ഡിസൈൻ പരിചയം. പിന്നെ മുപ്പതിലേറെ വർഷം പ്രശസ്തമായ സാങ്കേതികശാസ്ത്ര സ്ഥപനങ്ങളിൽ അദ്ധ്യാപനവും ഗവേഷണവും. |
| • | ഏഴു മുതൽ പത്തു വയസ്സുവരെ ഋഗ്വേദമന്ത്രങ്ങൾ പഠിച്ചു. |
| • | സ്വപിതാവിന്റെ ആകസ്മിക മരണത്തെ തുടർന്ന് ചെറുപ്പത്തിലെ മനസ്സ് വേദാന്തചിന്തയിലേക്കു തിരിഞ്ഞു. തിരക്കിനിടയിലും പത്തു മുഖ്യ ഉപനിഷത്തുകളുടെ പഠനത്തിനു സമയം കണ്ടെത്തി. അവസാനം മാണ്ഡുക്യോപനിഷത്ത് നിഷ്കർഷയായി പഠിച്ചു. |
| • | തുടർന്ന്, (1) മാണ്ഡുക്യോപനിഷത്തിന്റെ ജ്യാമിതീയ പ്രതിനിധാനം, (2) മാണ്ഡുകകാരികയുടെ ടീക, (3) ഭഗവദ്ഗീതയുടെ അദ്വൈതഭാഷ്യം എന്നിവ രചിച്ചു. |
| • | 1987 - ൽ തുടങ്ങിയ സായണാചാര്യരുടെ ഋഗ്വേദഭാഷ്യപഠനവും അക്കൊല്ലംതന്നെ ബദരീനാഥക്ഷേത്രത്തിനടുത്തുള്ള വ്യാസഗുഹ സന്ദർശിച്ചതും ഈ ലേഖകന് പ്രേരകമായി ഭവിച്ചു. |
| • | ഈയൊരു ദൗത്യം ഏറ്റെടുക്കാൻ ഈയുള്ളവന്റെ ദേഹവും മനവും ഏതോ അജ്ഞാതകരത്താൽ പ്രത്യേകം പരിശീലിപ്പിക്കപ്പെട്ടതാണെന്നു വേണം കരുതാൻ. |
