ശ്രീ ലക്ഷ്മീനൃസിംഹസ്‌തോത്രം
ശ്രീമത്പയോനിധിനികേതന! ചക്രപാണേ
ഭോഗീന്ദ്രഭോഗമണിരംജിത പുണ്യമൂർത്തേ
യോഗീശ! ശാശ്വത! ശരണ്യ! ഭവാബ്ധിപോത!
ലക്ഷ്മീനൃസിംഹ! മമ ദേഹി കരാവലംബം 1
ബ്രഹ്മേന്ദ്രരുദ്രമരുദർക്കകിരീടകോടി
സംഘട്ടിതാംഘ്രികമലാമലകാന്തികാന്ത!
ലക്ഷ്മീലസത്കുചസരോരുഹരാജഹംസ
ലക്ഷ്മീനൃസിംഹ! മമ ദേഹി കരാവലംബം 2
സംസാരഘോരഗഹനേ ചരതോ മുരാരേ
നാരോഗ്യഭീകരമൃഗപ്രവരാർദ്ദിതസ്യ
ആർത്തസ്യമത്സരനിദാഘനിപീഡിതസ്യ
ലക്ഷ്മീനൃസിംഹ! മമ ദേഹി കരാവലംബം 3
സംസാരകൂപമതിഘോരമഗാധമൂലം
സംപ്രാപ്യ ദുഃഖശതസർപ്പസമാകുലസ്യ
ദീനസ്യ ദേവ! കൃപണാപദമാഗതസ്യ
ലക്ഷ്മീനൃസിംഹ! മമ ദേഹി കരാവലംബം 4
സംസാരസാഗരവിശാലകരാളകാല
നക്രഗ്രഹഗ്രസനനിഗ്രഹവിഗ്രഹസ്യ
വ്യഗ്രസ്യ രാഗരസനോർമ്മിനിപീഡിതസ്യ
ലക്ഷ്മീനൃസിംഹ! മമ ദേഹി കരാവലംബം 5
സംസാരവൃക്ഷമഘബീജമനന്തകർമ്മ
ശാഖാശതം കരണപത്രമനംഗപുഷ്പം
ആരുഹ്യ ദുഃഖഫലിതം പതതോ ദയാലോ!
ലക്ഷ്മീനൃസിംഹ! മമ ദേഹി കരാവലംബം 6
സംസാരസർപ്പഘനവക്ത്രഭയോഗ്രതീവ്ര
ദംഷ്ട്രാകരാളവിഷദഗ്ദ്ധവിനഷ്ടമൂർത്തേഃ
നാഗാരിവാഹന! സുബാബ്ധിനിവാസ! ശൗരേ!
ലക്ഷ്മീനൃസിംഹ! മമ ദേഹി കരാവലംബം 7
സംസാരദാവദഹനാതുരഭീകരോരു
ജ്വാവാവലീഭിരതിദഗ്ദ്ധതനൂരുഹസ്യ
ത്വത്പാദപങ്ങസരസീം ശരണാഗതസ്യ
ലക്ഷ്മീനൃസിംഹ! മമ ദേഹി കരാവലംബം 8
സംസാരജാലപതിതസ്യ ജഗങ്കിവാസ!
സർവ്വേന്ദ്രിയാർക്കബഡിശാപ്തഝഷോപമസ്യ
പ്രോത്ഖണ്ഡിതപ്രചുരതാലുകമസ്തകസ്യ
ലക്ഷ്മീനൃസിംഹ! മമ ദേഹി കരാവലംബം 9
സംസാരഭീകരകരീന്ദ്രകരാഭിഘാത
നിഷ്പിഷ്ടമർമ്മവപുഷസ്സകലാർത്തിനാശ!
പ്രാണപ്രയാണഭവഭീതിസമാകുലസ്യ
ലക്ഷ്മീനൃസിംഹ! മമ ദേഹി കരാവലംബം 10
അന്ധസ്യ മേ ഹൃതവിവേകമഹാധനസ്യ
ചോരൈഃ പ്രഭോ ബലിഭിരിന്ദ്രിയനാമധേയൈഃ
മോഹാന്ധകൂപകുഹരേ വിനിപാതിതസ്യ
ലക്ഷ്മീനൃസിംഹ! മമ ദേഹി കരാവലംബം 11
ലക്ഷ്മീപതേ! കമനലാഭ! സുരേശ! വിഷ്‌ണോ!
വൈകുണ്ഠ! കൃഷ്ണ! മദുസൂദന! പുഷ്‌കരാക്ഷ!
ബ്രഹ്മണ്യ! കേശവ! ജനാർദ്ദന വാസുദേവ!
ദേവേശേ! ദേഹി കൃപണസ്യ കരാവലംബം 12
തന്മായയോർജ്ജിതവപുഃ പ്രചുരപ്രവാഹ
മഗ്നസ്യ മന്ത്രനിവഹോരു കരാവലംബം
ലക്ഷ്മീനൃസിംഹചരണാബ്ജമധുവ്രതേന
സ്‌തോത്രം കൃതം സുഖകരം ഭുവി ശങ്കരണേ 13